SELFHOOD OPEN CALL
BUSKANDO HENDE MUHÉ AFRO-KARIBENSE KU KE PARTISIPÁ DEN UN PROYEKTO AUDIO-VISUAL TOKANTE SOSIEGU.
THE RESTING PROJECT
SELFHOOD ta un proyekto oudio-visual ku ta eksplorá e importansia di sosiegu den e formashon i e liberashon pa hende muhé pretu. Ku un komienso poderoso na Hulanda, mi ta entusiasmá pa trese e proyekto aki kas, pa enfoká spesífikamente riba e historianan di hende muhé afro- karibense.
En general e proyekto aki ta lanta e pregunta fundamental di ki ora i kon hende muhé pretu tin e espasio pa ta humano i ta proponé sosiegu komo e kontesta. Pa medio di sosiegu ku hende muhé pretu por hala rosea, soña i kuida nan mes den un mundu kaminda nan ta wòrdu rasialisa, seksualisá, stereotipá i traha di mas.
Dor di kapturá momentunan íntimo di sosiegu, soledat, kuido i tempu liber, i a traves di tene kombersashonnan honesto ku i entre hende muhé afro-karibense, mi ta spera di por desmantelá lifestylenan di sklabitut, komparti historianan di sosiegu i reimaginá/introdusí un futuro bon sosegá.
YOUR BREATHING ASSIGNMENT
Bo partisipashon lo enserá un fotoshoot i un entrevista grabá (oudio so) na papiamentu kaminda nos lo eksplorá e tema di sosiegu na un manera outéntiko i honesto. E resultadonan lo wòrdu kompartí den un eksposishon na Kòrsou.
**Esaki ta un oportunidat pagá hasi posibel dor di DNB Fonds - Caribbean, d.k.k. CCG . Bo ta wòrdu pagá na final di e tarea i pa risibí bo pago bo mester manda mi un faktura/kwitantie promé.
MY DREAMING PROFILE:
Abo ke kompartí bo propio historia i bo tin gana pa eksplorá e tema di sosiegu? Bo ta komodo pa mustra kara sin make-up + kabei natural/ protective hairstyles i bo tin e abilidat ba reflehá, aktua, modelá òf simplemente sigui instrukshon? Esaki por ta pa bo!
Tene kuenta ku e yamada aki ta pa spesífikamente pa hende muhé afro-karibense. Si bo no ta identifiká komo tal pero tòg ke kontribuí na e bienestar di hende muhé afro-karibense, manda mi un email ku bo proposishon.
*** preferensia ta bai pa hende muhé koló skur (darkskin) pero no ta eksklusivo.
YOUR SOFT SUBMISSION
Bo ta interesá? Manda un mail (aqueenewilson@gmail.com) promé ku 1 di ougùstùs inkluyendo un potrèt resente di bo mes i un teksto kortiku (max 120 palabra/ 1 minüt) kaminda bo ta kontesta lo siguiente; Kiko ta bo relashon of eksperensha ku sosiegu? Bo ta komodo pa mustra kueru? Bo ta disponibel riba 6 of 13 di sèptèmber?
FECHANAN IMPORTANTE
1 ougùstùs klousura open call
6 di sèptèmber : entrevistanan
13 di sèptèmber: entrevistanan
20 di sèpt - 25 di òkt. : fotoshootnan
